Wezîrê Ticaretê Omer Bolat ragihand, Komîsyona Yekîtiya Ewropayê (YE) duh ji bo vîzeya Schengenê ji bo welatiyên Komara Tirkiyeyê lezgîn û hêsantir bibe, belgeyeke nû amade kiriye û ji dewletên endam ra şandiya.

Bolat daxuyanî da nûçegihanê AAyê û der barê hildana vîzeya Schengenê da agahiyeke nû da.

Wezîrê Ticaretê Bolat bal kişand ser dem û tengasiyên di warê hildana vîzeya Schengenê da û wiha got, "Komîsyona YEyê duh ji bo vîzeya Schengenê ji bo welatiyên Komara Tirkiyeyê lezgîn û hêsantir bibe, belgeyeke nû amade kir û ji dewletên endam ra şand."

Wezîr Bolat diyar kir ku ji bo kesên ku cara yekem vîze wergirtine, di serlêdana wan ya duduyan da dê derfet bê dayîn ku heta 6 mehan, paşê ji bo salek, 2 sal, 3 sal û heta 5 salan vîzeya demdirêj û pir-ketinê werbigirin.