Helal Expo 2025 bi "Qada Kozmetîk û Hîjyenê ya Private Label"ê va dê firsendên giring pêşkêşî hilberînerên ku şiyana wan a hilberîna taybet heye û her wiha fîrmayên ku dixwazin berhemên xwe yên bi etîketa taybet derxin bazara global, bike.

Li gorî daxuyaniya Konseya Zîrweya Helalê ya Dinyayê, Zîrweya Helal a Dinyayê ya 11emîn dê di 26-29ê Mijdarê da li Navenda Fuarê ya Stenbolê bê lidarxistin ku ekosîstema helal a global tîne cem hev.

Zîrwe di hîmayeya Serokomariyê da û her wiha bi hevkariya Enstîtuya Standard û Metrolojiyê ya Welatên Îslamê (SMIIC) ku saziyeke Teşkîlata Hevkariya Îslamî (THÎ) ye û her wiha di kordînasyona Wezareta Bazirganiyê û Saziya Akredîtasyona Helalê da dê bê lidarxistin. Dîsa di çarçoveya zîrweyê da Helal Expo 2025 jî dê bi rê va biçe.

"Qada Kozmetîk û Hîjyenê ya Private Label" ya ku dê di qada expoyê da bê lidarxistin dê hilberînerên ku şiyana wan a hilberîna taybet heye û her wiha fîrmayên ku dixwazin berhemên xwe yên bi etîketa taybet derxin bazara global, bîne cem hev.

Qada private labelê ya ku dê ji bo peymanên nû firsendan raberî beşdar û ziyaretvanan bike, di heman demê da dê derfeta dîtina ziyaretvanên profesyonel ên bêtirî ji 110 welatî bide.