Li Agiriyê çandiniya berhemên weke silq, gulberoj, nebatên xwarinê, fasûliya hişk, genim û ceh bi piştgiriya dewletê tê berfirehkirin.

Agiriya ku bi nifûsa xwe ya ji 500 hezarî zêdetir e û milyonek û 800 hezar pezên biçûk û ji 300 hezarî zêdetir dewar lê tê xwedîkirin, di nava wilayetên ku çandinî û xwedîkirina heywanan da li Herêma Rojhilatê Anadoluyê herî zêde derdikeve pêş.

Li bajêr ku berê hilberîna çandiniyê kêm bû, niha bi saya tesîsên avdanê yên zêde û projeyên ku bi piştgiriya dewletê hatine bicîhanîn, berhemên cuda têne çandin.

Zêdebûna çandiniya berhemên xwarinê, genim, ceh, fasûliya hişk û gulberojê di salên dawî da bi piştgiriya hikûmetê, bandorek erênî li ser aboriya bajêr dike.

Midûrê Çandinî û Daristanê yê Agiriyê Mehmet Huseyînoglu ji nûçegihanê AAyê ra got ku bendavên Yazici û Patnosê bandorek girîng li ser zêdekirina curbecur hilberînê li bajêr kirine.

Mehmet Huseyînoglu got ku "Li seranserê herêma me ceh, genim, berhemên xwarinê û gulberojên rûn têne piştgirîkirin. Îsal ji bo ceh û genim serê dekarekî 634 lîre hat dayîn. Ji bo gulberojên rûn jî wê 732 lîre bê dayîn."