Wezîrê Gihandin û Binesaziyê Abdulkadîr Uraloglu got: "Di îhaleya 5Gyê da destpêka me wê bibe 2 milyar û 125 milyon dolar."

Wezîrê Gihandin û Binesaziyê Abdulkadîr Uraloglu li Saziya Teknolojiyên Agahiyê û Ragihandinê (BTK) beşdarî weşana taybet ya Ajansa Anadoluyê (AA) bû û pirsên der barê pêvajoya derbasbûna teknolojiya 5Gyê da bersivandin.

Wezîr Uraloglu behsa derbasbûna teknolojiya 5Gyê kir û wiha axivî: "Di îhaleya 5Gyê da destpêka me wê bibe 2 milyar û 125 milyon dolar. Em li bendê nînin ku bihayekî ji wê kêmtir bibe, wê ji wê jortir be."

Uraloglu anî ziman kesên ku xwedî teknolojiya 2Gyê ne wê hem telefon û hem jî SIM kartên xwe biguherînin û wiha got: "Qasî 85 milyon aboneyên me yên ku telefonê bi kar tînin hene ku 22 milyon telefonên destan bi 5Gyê ra hemaheng in. Yên ku xwedî 2Gyê ne, wê hem telefon û hem jî SIM kartên xwe biguherînin. Em ê peymanên 2G û 3G yên ku wê di sala 2029an da biqedin, bi îhaleya 5Gyê va bi awayekî otomatîk dirêj bikin."