Aborî

Jinên Mêrdînî yên kooperatîf ava kirin rojê 800 kîlo çîlek diçinin

Halil İbrahim Sincar, Şahin Seçen   | 14.05.2022
Jinên Mêrdînî yên kooperatîf ava kirin rojê 800 kîlo çîlek diçinin

Mardin

 Li Qiziltepeya navçeya Mêrdînê jinên kooperatîf ava kirin di zeviya ji 20 donimî pêk tê da rojê 800 kîlogram çîlek diçinin.

Bi pêşîkêşiya Dîlek Çam a xanima Qeymeqamê Qiziltepeyê Huseyîn Çam va 15 jinên muteşebîs hatin bal hev û Kooperatîfa Pêşketina Çandiniyê ya Jinên Hilberîner ên Qiziltepeyê damezrandin û Bexçeyê Çîlek ê Mezopotamyayê danîn.

Di bexçeyê çîlekan a ku jinan danîbû da Dîlek Çamê xeberda û got ku wan bi piştevaniya qeymeqamtî, şaredarî û Îdareya Pêşketina GAPê va Bexçeyê Çîlek ê Mezopotamyayê ava kirin.

Çamê destnîşan kir ku wan îsal dest bi çinîna çîlekan kir û wiha domand: "Rojê em nêzî 800 kîlogram çîlek diçinin. Ev ber û bereket heta meha hezîranê dewam dike. Di meha îlonê da em ê cara duyemîn dest bi berhevkirinê bikin. Niha 15 jin dixebitin. Di heftê da 6 roj tên vê derê û çîlekan berhev dikin."

Çamê ragihand ku bi dahata ji bexçe va ew him bi kêrî jinên li herêmê tên û him jî bi wê dahatê alîkariya jinên hewcedar dikin û carna jî ger û geştan organîze dikin.

Ji jinên li bexçe çîlek berhev dikirin Halîme Çîçekê jî got ku li Qiziltepeyê çîlek digihîjin û wiha domand: "Ez bi dahata ji vê derê qezenc dikim va hewcedariyên malê û zarokan hel dikim."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın