Hat îdiakirin ku Almanyayê ji bo Tirkiyeyê firotina 40 balafirên şer ên Eurofighter Typhoonê pesend kir.

Di nûçeya kovara Der Spiegelê da hat îdiakirin ku Konseya Federal a Alman daxwaza kirîna 40 balafirên şer ên Eurofighter Typhoonê ya Tirkiyeyê pesend kir.

Li gor kovarê, Tirkiyeyê di Adara 2023yan da daxwaz kiriye û Konseyê ev daxwaz pesend kir û balafir wê bi parçeyên ku ji Almanyayê tên tedarîkirin va li Îngiltereyê werin çêkirin.

Her wiha Spiegelê îdia kir, Tirkiyeyê soz da ku van balafiran li dijî endamekî din ê tifaqa NATOyê bi kar neyne.

Digel Îngiltere û Almanyayê konsorsiyuma ku Îtalya û Îspanya jî tê da ye Eurofighteran çêdike. Heta ku hikûmeta Alman pesend neke, şirîkên din nikarin van balafiran bifiroşin welatên din.