Cotkaran li Deşta Mûşê dest bi xebatê kir

Cotkarên Mûşî ji bo ajotina 3 milyon û 570 hezar donim zeviyên li Deşta Mûşê dest bi xebatan kirin.

Bi germbûna hewayê ra cotkar diçin zeviyên xwe û tovê genim, ce, xamkêsan û nebatên din direşînin.

Midûrê Bajêr ê Çandinî û Daristanê Mehmet Aydinê ku li nav zeviyan geriya daxuyanî da rojnamegeran û got ku li deştê nêzî 3 milyon û 570 hezar donim zeviyên ajotinê hene.

Aydin destnîşan kir ku bi hatina biharê ra cotkar tov li zeviyan direşînin, şitilan datînin û hinek ji wan jî erdê xwe yê ajotine gubre dikin.