Турскиот министер Фидан повика на продолжување на Истанбулските преговори за руско-украинската војна

Турција верува дека продолжувањето на процесот што се води преку Истанбулските преговори за војната меѓу Русија и Украина би било многу корисно, изјави денес турскиот министер за надворешни работи Хакан Фидан, јавува Анадолу.

„Сметам дека би било многу корисно Истанбулските преговори, со посредство на Турција, за војната меѓу Русија и Украина, да продолжат во истата рамка“, рече Фидан на заедничката прес-конференција во Киев со украинскиот министер за надворешни работи Андриј Сибиха.

Фидан, исто така, предупреди на проширувањето на конфликтот во Црното Море.

„Не сакаме војната да се пренесе во Црното Море“, рече тој. „Напаѓањето на пристаништата, танкерите и рибарските бродови во Црното Море и ставањето на животите на цивилите во опасност не може да се оправда“.