Турски МИТ изврши операција против таканаречениот тим за атентати на терористичката ПКК

АНКАРА (АА) - Турската национална разузнавачка агенција (МИТ) во операција во регионот Ербил/Халифан во северен Ирак го неутрализира Ведат Аксач, кој е дел од таканаречениот тим за атентати на терористичката организација ПКК и двајца други терористи кои биле со него, пренесува Агенција Анадолија (АА).

По информациите дека терористичката група, во која бил и терористот Ведат Аксач со кодно име „Шахан“, водач на тимот за атентати на ПКК, влегла во регионот Халифан, започната е потера во планинската област.

Во операцијата спроведена од страна на МИТ неутрализирани се Ведат Аксач и двајца терористи кои биле со него.

Се дознава дека Аксач требало преку илегални патишта да биде испратен во метрополите. Тој бил следен од МИТ и бил неутрализиран во операција.

Откако се откриени нелегалните активности на младинската организација ЈДГ-Х на ПКК, Аксач во 2015 година бега од Туркије и продолжува да врши вооружени активности во планинскиот одред на ПКК.

Се нагласува дека Аксач е специјално обучен за атентати и поставување експлозив од страна на организација во текот на овој процес.