Во турскиот град Конја се изложени реалистични скулптури на султаните од селџучката династија

КОНЈА (АА) – Во турскиот град Конја е отворена изложбата „Султани на селџучката династија на Туркије“, каде што се изложени реалистични силиконски скулптури на султаните од селџучката династија, јавува Анадолу.

Скулптурите, изработени со користење ДНК и анатомски анализи, им овозможуваат на посетителите да добијат јасна претстава за изгледот на владетелите од селџучката династија, која управувала со Анадолија во периодот од 1077 до 1308 година.

Изложбата, која се одржува во изложбениот салон „Дар-ул Мулк“ во центарот на Конја, е дел од шестгодишниот проект „Уредување на посмртните останки во мавзолејот во Конја на Селџуците од Туркије“, реализиран со помош на експерти од различни научни области.

Посетителите се воодушевени од реалистичноста на скулптурите, кои ги прикажуваат султаните со нивните автентични карактеристики на лицето, фризури, бради и историски автентични носии.

Изложбата, која е дел од обемниот проект за оживување на историјата на селџучката династија, е отворена за сите љубители на историјата и културата и нуди уникатна можност за запознавање со богатото наследство на овој период.