Започна 13. самит на Организацијата на туркиските држави

Денес во главниот град на Турција, Анкара, започна 13. самит на Организацијата на туркиските држави (ОТД), јавува Анадолу.

Самитот, чиј домаќин е турскиот претседател Реџеп Таип Ердоган, се одржува под мотото „Туркиски век: единство во јазикот, мислата и делото“, а започна со заедничко фотографирање на лидерите.

Ердоган ги пречека лидерите при нивното пристигнување во Националниот изложбен центар „Бештепе“.

На заедничката фотографија беа Ердоган, казахстанскиот претседател Касим-Жомарт Токаев, узбекистанскиот претседател Шавкат Мирзијоев, киргистанскиот претседател Садир Жапаров, азербејџанскиот министер за надворешни работи Џејхун Бајрамов, туркменистанскиот претседател Сердар Бердимухамедов и претседателот на Турска Република Северен Кипар, Туфан Ерхурман, кој ги претставува земјите набљудувачи, како и генералниот секретар на ОТД, Кубаничбек Омуралиев.

Лидерите што се гости беа пречекани на влезот во Националниот изложбен центар „Бештепе“ и од војници што ги носеа знамињата на 16 историски туркиски држави, како и од војници облечени во традиционални јаничарски униформи.