Големата награда на Турција ги објави датумите за враќање во Формула 1

Големата награда на Турција (Гран при) во 2027 година ќе се врати во календарот на Формула 1 по шестгодишна пауза, а трката ќе се одржи во Истанбул од 1 до 3 октомври, јавува Анадолу.

Според соопштението на Автомобилската спортска федерација на Турција (ТОСФЕД), објавен е календарот на Формула 1 за 2027 година.

Турското Гран при, кое по шест години повторно се враќа во календарот, ќе се одржи на патеката „ТОСФЕД Истанбул Парк“.

Викендот со трки ќе започне со тренинзите во петок, 1 октомври, по што во сабота, 2 октомври, ќе се одржат квалификациите.

Главната трка ќе се вози во недела, 3 октомври.

Од ТОСФЕД соопштија дека на официјалната веб-страница на настанот е достапна претрегистрација за продажбата на билети, како и за добивање официјални информации поврзани со турското Гран при.