Јеменските Хуси ја презедоа одговорноста за нападот врз рафинеријата „Арамко“ во Саудиска Арабија

Јеменските Хуси денес соопштија дека со неколку дронови ја погодиле рафинеријата „Арамко“ во југозападниот регион Џизан во Саудиска Арабија, пренесува Анадолу.

Воен извор за новинската агенција на Хусите, „Саба“, изјави дека нападот е извршен како одговор на „кршењето на јеменскиот воздушен простор“ над северните провинции Саада и Хаџа.

Изворот тврди дека дроновите прецизно ја погодиле рафинеријата.

​​​​​​Нема непосреден коментар од саудиските власти за тврдењето на Хусите.