Şeyma Erkul Dayanç
27 Октомври 2026•Ажурирано: 27 Октомври 2026
Холандија нема да испрати претставник на Изборот за песна на Евровизија 2027, соопшти денес холандскиот јавен радиодифузер НПО, повлекувајќи ја претходно донесената одлука за учество, јавува Анадолу.
НПО соопшти дека има „недоволна поддршка“ за учество на натпреварот следната година, по консултациите со други радиодифузери, објави холандскиот радиодифузер НОС.
Натпреварот сепак ќе се емитува во Холандија преку НОС, вклучително и преносите во живо, коментарите на холандски јазик и емисијата за претставување на учесниците, соопшти радиодифузерот.
Одлуката следува по спорот околу учеството на Израел на Евровизија.
Во август, холандскиот радиодифузер АВРОТРОС соопшти дека нема да учествува на натпреварот во 2027 година, образложувајќи дека манифестацијата го изгубила својот неутрален карактер во услови на војната во Газа и пошироките геополитички тензии.
АВРОТРОС потоа ја префрли одговорноста на холандскиот претставник на НПО, кој во септември објави дека Холандија ќе учествува, при што независен тим ќе го надгледува изборот на претставникот.
Изборот за песна на Евровизија 2027 треба да се одржи во Бургас, Бугарија.
Полуфиналните вечери се закажани за 11 и 13 мај, а финалето за 15 мај.