ИДРИС СУЛУН -
Паркот за птици во Куала Лумпур, што се наоѓа во Малезија, со своите природни живеалишта за стотици видови птици, на преден план излегува како едно од туристичките места за кои домашните и странските туристи најмногу се заинтересирани, јавува Агенција Анадолија (АА).
Овој парк го носи епитетот најголем парк за птици за слободно летање во светот, а е домаќин на над 3.000 птици.
Тауфик бин Мохд Шариф, од Одделот за медиуми и промоција на паркот, во изјавата за АА истакна дека паркот за птици во Куала Лумпур е место што треба да се посети, и е едно од најпопуларните туристички места во градот.
Тој информира дека паркот е официјално отворен во 1991 година, и се протега на површина од околу 85.000 метри квадратни. Како што рече тој, 70 отсто од птиците во паркот се странски птици.
Тауфик нагласи дека посетителите не треба да ги посетат птиците во кафези, туку тие може да ги видат како летаат слободно на одредени простории наменети специјално за птиците.
„Кога доаѓате тука, ќе чувствувате дека се шетате низ шума. Дел од посетителите скоро цел ден остануваат тука и уживаат во паркот“, рече тој.
