Ali Semerci
14 Јули 2021•Ажурирај: 15 Јули 2021
ГАЗА
Палестинскиот уметник Билал Халид, фотограф и изработувач на графити, го претстави својот гигантски графит што го нацрта на темата „Се бори духот во нас“ и му го подари на палестинскиот народ, кој стоеше исправено пред неодамнешните израелски напади врз Појасот Газа, известува Агенција Анадолија (АА).
Зборувајќи на оваа тема со новинарот на Агенција Анадолија (АА), Халид рече дека графитот го исцртал за период од пет дена на ѕидот широк 50 метри и висок околу 10 метри кој бил уништен за време на израелските напади на улицата „Универзитети“.
Соопштувајќи дека во изработката на неговиот цртеж со име „Се бори духот во нас“, користел разни бои кои посочуваат на различни аспекти на условите за живот на луѓето во Газа, Халид додаде дека графитот носи порака на лојалност кон сите Палестинци кои ги искусија израелските 11-дневни напади во Појасот Газа.
„За графитот ја избрав улицата „Универзитети“ затоа што дел од неа беше уништен за време на израелските напади, па затоа беше неопходно таму да се стави симбол на убавина што ќе ја пренесува пораката дека со напорите што ги вложуваат граѓаните и оние кои се борат за човештвото, сè ќе биде подобро отколку што тоа беше претходно“, истакна Халид.
Нападите што ги започна Израел врз опколениот Појас Газа на 10 мај, завршија на 21 мај, по договореното примирје постигнато со Хамас.
Во израелските напади врз Газа, животот го загубија 254 Палестинци, од кои 66 деца и 39 жени, а 1.948 лица беа повредени. Истовремено, во израелските напади илјадници згради се целосно уништени или се неупотребливи.
