Feyzullah Yarımbaş
21 Декември 2024•Ажурирај: 22 Декември 2024
Талиб А., лекар роден во Саудиска Арабија, е осомничен дека го извршил нападот со возило на божиќниот пазар во Магдебург, Германија, во кој загинаа четири лица, а стотици се повредени. За напаѓачот се дознава дека имал антиисламски ставови и ја поддржувал екстремистичката десницата и ционизмот, пренесува Анадолу.
Педесетгодишниот Талиб А, кој живее во Германија од 2006 година и има дозвола за престој во земјата на неопределено, работи како лекар во градот Бернбург, а утврдено е дека на социјалните мрежи споделувал објави во кои нагласувал дека тој бил „загрижен за подемот на исламот во Германија“, објавија германските медиуми.
Тој споделувал објави во кои ја поддржува екстремно десничарската партија Алтернатива за Германија (AfD) и други антиисламски екстремно десничарски формации во Европа и ја споделил т.н. голема карта на Израел, која делумно ја покрива турската територија.
Пред да биде суспендиран профилот на осомничениот, германските медиуми пронајдоа фотографии на кои е прикажана пушка, а информациите на неговиот профил покажуваат дека тој ја обвинува Германија за „лов на бегалци од Саудиска Арабија“ и „исламизација на Европа“ и дека „ја смета германската нација одговорна за убиството на Сократ“.
Во пораката што ја сподели напаѓачот на 10 декември 2023 година, тој ја обвини германската држава за угнетување на бегалците од Саудиска Арабија и се закани: „Ве уверувам дека одмаздата ќе дојде 100 %. Дури и да ме чини живот. Германија ќе плати цена за ова. Голема цена.“
Во пораката објавена во мај, тој навел: „Сериозно очекувам да умрам оваа година. Причина: Ќе ја осигурам правдата по секоја цена. Германските власти ги блокираат сите мирни патишта до правдата“.
Набргу потоа, објавил порака на арапски: „Ве уверувам дека ако Германија сака војна, ние ќе го сториме тоа. Ако Германија сака да нѐ убиен ние ќе ги заколеме, ќе умреме или гордо ќе заминеме во затвор. Бидејќи ги исцрпивме сите мирни средства, се соочивме со нов криминал од полицијата, обвинителството, судството и Министерството за внатрешни работи. Мирот не им користи за ништо“.
Германските медиуми објавија дека осомничениот споделувал навредливи објави против христијаните и муслиманите на социјалните мрежи, го фалел израелскиот геноцид и другите напади врз Газа, а иако Саудиска Арабија побарана негова екстрадиција, тој не бил вратен во таа земја.
