Нападнат службеник на израелската амбасада во Кина

ИСТАНБУЛ (АА) - Службеник на израелската амбасада во Кина беше нападнат денес, соопшти израелското Министерство за надворешни работи, пренесува Анадолу.

„Вработен во израелската амбасада во Пекинг е нападнат денес, а засега не е јасна заднината на нападот“, пишува „Ерусалим пост“, повикувајќи се на соопштение на израелското Министерство за надворешни работи.

Службеникот е хоспитализиран и се вели дека е во стабилна состојба.

„Нападот не се случи во близина на амбасадата“, се додава.

Анадолу се обиде да дознае повеќе детали од израелската амбасада во Пекинг, но дипломатската мисија беше затворена.

Инцидентот се случува за време на израелско-палестинскиот вооружен судир.