Марсеј: Молотови коктели ја запалија зградата на исламскиот центар

ПАРИЗ (АА) - Група непознати лица предизвикаа пожар во Исламскиот центар во јужниот француски град Марсеј, јавува Anadolu Agency (АА)

Од Турско - исламската унија DITIB која му припаѓа на исламскиот центар за АА потврдија дека четири лица синоќа на зградата фрлале молотови коктели.

Очевидци велат дека четири лица најпрво истуриле бензин врз влезната врата и прозорците на исламскиот центар, а потоа фрлале молотови коктели по што зградата почнала да гори.

На местото на настанот брзо пристигнала полицијата и пожарникарите. Иако пожарот беше изгаснат можеше да се забележи значителна штета врз самата зграда. Во пожарот нема жртви, а во врска со самиот случај е покрената истрага.