Иран ги отфрли повиците на западните лидери да ја повлече својата закана за одмазда против Израел

ТЕХЕРАН (АА) - Иран ги отфрли повиците на западните лидери да ја повлече својата закана за одмазда против Израел по атентатот на Исмаил Ханије, политичкиот лидер на палестинското движење Хамас, во Техеран, јавува Анадолу.

Иран ги обвинува Германија, Франција и Велика Британија дека го поддржуваат Израел.

Вчерашното соопштение, потпишано од германскиот канцелар Олаф Шолц, францускиот претседател Емануел Макрон и британскиот премиер Кир Стармер, повика на смиреност на Блискиот Исток и ги повика Иран и неговите сојузници да се воздржат од дејствија што можат да ги загрозат шансите за прекин на огнот во Газа.

Во текстот на кратката изјава на тројцата западни лидери не се ни споменува Израел, кој во изминатите десет месеци уби повеќе од 40.000 луѓе во Палестина и целосно ја уништи Газа.

Ова го истакна и иранското Министерство за надворешни работи, истакнувајќи дека Берлин, Париз и Лондон „не изразија противење на меѓународните злосторства на ционистичкиот режим“, но во исто време го повикаа Иран да не дејствува против кршењето на неговиот суверенитет и територијален интегритет.

Според Техеран, таквото барање „нема политичка логика“, е спротивно на принципите и правилата на меѓународното право и претставува јавна и практична поддршка за Израел.

Иранскиот министер за надворешни работи Насер Канани, исто така, ги повика Париз, Берлин и Лондон „еднаш засекогаш да се спротивстават на војната во Газа и на воените провокациите на Израел“.

Иран му се заканува на Израел со одмазднички напад за убиството на Ханије во Техеран, за што одговорноста му ја припишува на Израел, кој ниту ја потврди ниту ја негира одговорноста за нападот.

Израел, исто така, во Бејрут го уби високиот командант на либанското движење Хезболах, кое ужива силна поддршка од Иран, Фуад Шукр.

Соединетите Американски Држави предупредуваат дека Иран може да изврши „низа напади од големи размери“ врз Израел оваа недела, изјави вчера американскиот советник за национална безбедност Џон Кирби.

Поради дополнителната тензична ситуација на Блискиот Исток, Вашингтон го зголемува своето воено присуство таму. САД го распоредија носачот на авиони УСС Абрахам Линколн и подморницата УСС Џорџија во областа.