Израелскиот министер Либерман: „Конфликтот со Иран е прашање на време“

ЕРУСАЛИМ

Израелскиот министер за финансии, Авигдор Либерман, истакна дека конфликтот на неговата земја со Иран е „прашање на време“ и дека не е далеку, пренесува Агенција Анадолија (АА).

Во изјава за веб-страницата „Walla News“, Либерман се осврна на тензиите меѓу Израел и Иран.

Осврнувајќи се на планираните преговори со Иран за обновување на Договорот за нуклеарна програма потпишан во 2015 година, Либерман рече: „Ниту еден дипломатски процес или договор не може да ја запре иранската нуклеарна програма.“

Министерот Либерман исто така додаде: „Конфликтот со Иран е само прашање на време, и тоа не е далеку.“

Во веста на израелската телевизија „Канал 12“, објавена на 18 октомври, се тврдеше дека израелската администрација одвоила приближно 1,53 милијарди долари за да ја зголеми својата способност да ги нападне иранските нуклеарни постројки.