Elena Teslova
29 Декември 2021•Ажурирај: 30 Декември 2021
МОСКВА
Русија успешно го тестираше системот за воздушна одбрана С-550, објавија локалните медиуми денеска, јавува Агенција Анадолија (АА).
„Системот за воздушна одбрана има способност да погоди вселенски летала и хиперсонични цели на висина од неколку десетици илјади километри“, изјави за државната новинска агенција ТАСС извор близок на Министерството за одбрана.
„Првиот систем за воздушна одбрана С-550 влезе во борбена должност“, рече изворот.
„Сеопфатната ракетна и воздушна одбрана на Русија сега се состои од системите „Панцир“ за мали надморски височини, семејството на С-системи - од С-350 до С-500 за цели со долг дострел, и С-550 за одбрана во вселената“, додаде тој.
На 15 ноември, Сергеј Чемезов, директор на руската државна технолошка корпорација „Ростек“, рече дека С-550 ќе има капацитет за откривање цели со подолг дострел и пресретнување на ракети.
