Десет лица загинаа, а 30 се повредени во сообраќајна несреќа во турската област Мерсин

МЕРСИН (АА) - Според првичните информации, најмалку 10 лица загинале, а 30 се повредени во верижна сообраќајна несреќа во која учествувале четири возила на автопатот Тарсус - Адана - Газиантеп, во турската област Мерсин, известува Анадолу.

Патнички автобус преминал во спротивната лента и удрил во два автомобила и во камион.

По добиеното известување на местото на несреќата се упатиле тимови на итна помош, полиција и противпожарна служба.

Според првичните процени од местото на настанот, во несреќата животот го загубиле 10 лица, а 30 се повредени.

Во тек е истрага за откривање на причините за несреќата.