Борел: ЕУ ќе работи за усвојување на проширување на рестриктивните мерки против Иран

ЛОНДОН (АА) - Високиот претставник на Европската Унија (ЕУ) за надворешна политика и безбедност, Жозеп Борел, изјави дека земјите членки на блокот ќе работат за усвојување на проширување на рестриктивните мерки против Иран, пренесува Анадолу.

Борел по вонредниот состанок на министрите за надворешни работи на земјите членки на ЕУ во Брисел рече дека Блискиот Исток е „на работ на бездната и мораме да се оддалечиме од него“.

„По овој состанок ќе ги зголемиме нашите контакти со клучните партнери во регионот. А некои земји членки предлагаат усвојување на проширување на рестриктивните мерки против Иран. Ќе ѝ испратам на Службата за надворешни работи барање за започнување неопходна работа во врска со санкциите“, рече Борел.

Тој додаде дека ЕУ е покрај Израел против иранските напади, но дека не треба да се заборави ситуацијата во Газа.

„Моравме да продолжиме да работиме за итен и одржлив прекин на огнот, слобода на заложниците и така натаму за да се избегне оваа катастрофална хуманитарна ситуација“, подвлече Борел.

Борел додаде дека „нема да има регионална стабилност“ сѐ додека траат војната во Газа и „драматичните“ хуманитарни услови во регионот.