Трамп: Иран би можел да се соочи со уништување, наскоро ќе дознаете

Претседателот на САД, Доналд Трамп, изјави дека можеби ќе мора да го „уништи остатокот“ од Иран и дека „наскоро ќе го дознаете тоа“, јавува Анадолу.

„Сега ќе донесеме одлука: Дали сакаме да одиме понатаму и едноставно да го потврдиме тоа, при што со потврдувањето се мисли дека тоа никогаш повеќе нема да се повтори?“, им рече Трамп на новинарите во Овалната соба.

„Би претпочитал да не го уништувам остатокот од земјата, ако е можно, но можеби ќе морам. И тоа наскоро ќе го дознаете“, рече тој.

Трамп изјави дека според него на Иран ќе му бидат потребни 25 години за да се обнови по американско-израелските напади што започнаа во февруари и сè уште не се завршени.

На прашањето за наводите дека Иран, преку посредници, пратил предлог до САД во врска со иднината на својата нуклеарна програма, како и дали САД се вклучени во тоа, Трамп одговори: „Тие не прават ништо без наше одобрение.“