Русија ја лансираше ракетата Сојуз-2.1б со вселенско летало

Руските вселенски сили денес лансираа ракета од средна класа Сојуз-2.1б со вселенско летало од космодромот Плесецк, во северозападниот регион Архангелск, соопшти вселенската агенција „Роскосмос“, пренесува Анадолу.

Лансирањето на ракетата и влегувањето на вселенското летало во предвидената орбита се одвиваа според планот, објави агенцијата на Телеграм.

Автоматизираните системи за контрола од Земјата во Главниот центар за тестирање и контрола на вселенски системи „Титов“ ја презедоа ракетата за следење по полетувањето, додека контролата врз вселенското летало им беше пренесена на копнените капацитети на Вселенските сили по неговото влегување во орбитата.

Од Министерството соопштија дека е воспоставена стабилна телеметриска врска и дека вградените системи на леталото функционираат нормално.