„ОАЕ го откажаа состанокот САД-Израел-ОАЕ, откако Израел се спротивстави на договорот за Ф-35“

ВАШИНГТОН (АА) - Откако израелскиот премиер Бенјамин Нетанјаху се спротивстави на договорот за авионите Ф-35 меѓу САД и Обединетите Арапски Емирати (ОАЕ), ОЕА ја откажаа трилатералната средба со Израел и САД која беше планирана за в петок, пренесува Агенција Анадолија (АА).

Според веста на веб-страницата „Аксиос“, која се заснова на три извори, се вели дека по постигнатиот договор меѓу Израел и ОАЕ за „целосно нормализирање на односите“, Обединетите Арапски Емирати направеле изненадувачки чекор.

ОАЕ ја откажаа трилатералната средба Израел-САД-ОАЕ планирана за во петок, откако Нетанјаху се спротивстави на договорот за купување авиони Ф-35 меѓу САД и ОАЕ.

Изворите велат дека со откажувањето на трилатералната средба, Обединетите Арапски Емирати (ОАЕ) сакале да испратат порака до Израел.

Истите извори додаваат дека тие ја информирале Белата куќа и ОН за откажувањето на состанокот.

„Једиот Ахронот“, еден од водечките израелски весници, напиша дека по договорот за нормализирање на односите меѓу Тел Авив и Абу Даби отворен е патот САД да им продадат авиони Ф-35 и напредни беспилотни летала на Обединетите Арапски Емирати.