Гутереш повика на прекин на израелските напади врз Газа и насилството на окупаторите на Западниот Брег

Генералниот секретар на Обединетите нации (ОН), Антонио Гутереш, денес повика на прекин на израелските напади врз Газа и насилството на окупаторите на Западниот Брег, јавува Анадолу.

„Во Газа мора да се почитува прекинот на огнот“, рече Гутереш на самитот на Шангајската организација за соработка.

Тој повика на итно отстранување на пречките за доставување хуманитарна помош. Исто така, порача дека „мора да престанат нападите на доселениците и проширувањето на населбите“ на окупираниот Западен Брег.

Гутереш истакна дека за траен мир е потребно решение за две држави, при што Израел и Палестина ќе живеат една покрај друга како независни и суверени држави.

„Апелирам на максимална воздржаност и на почитување на договорите и меѓународното право“, рече Гутереш.