Граничниот премин на Бугарија со Турција ќе го зголеми капацитетот

Граничниот премин Капитан Андреево меѓу Бугарија и Турција ќе биде реновиран и ќе му се зголеми капацитетот, со цел да се намалат сообраќајниот метеж и времето на чекање за камионите и за турските и бугарските државјани што се враќаат во своите домови во периодот на зголемен интензитет на миграција, јавува Анадолу.

Јунус Сезер, гувернер на северозападната турска област Едрене, која се граничи со Бугарија, и Николај Шушков од Бугарската национална царинска агенција одржаа состанок на кој разговараа за напорите за реновирање и изградба на граничниот премин.

Сезер и Шушков, заедно со нивните делегации, извршија увид во тековните работи на граничниот премин во рамките на состанокот, соопшти Кабинетот на гувернерот.