Бразилскиот претседател Лула да Силва изјави дека нема проблеми со Израел, туку со Владата на Нетанјаху

БОГОТА (АА) - Бразилскиот претседател Луиз Инасио Лула да Силва изјави дека нема проблеми со Израел, туку со Владата на Нетанјаху, известува Анадолу.

Претседателот Лула да Силва во разговор со новинарите во Рим, Италија, изјави дека ги поздравува договорот за прекин на огнот и размената на затвореници во Газа, но истакна дека сè уште не е јасно дали тоа ќе биде трајно.

Потсетувајќи дека Владата на Нетанјаху е одговорна за смртта на повеќе од 65.000 Палестинци во нападите врз Газа, Лула да Силва рече:

„Немаме проблеми со Израел. Од моментот кога Нетанјаху ќе ја напушти Владата, нема да остане никаков проблем.“

Колумбискиот претседател Густаво Петро се осврна на тековните обвинувања за корупција на Нетанјаху во објавата на американската платформа за социјални медиуми X, велејќи:

„Правдата на секоја земја мора да се почитува. Правдата на Израел, исто така, мора да се почитува. Оние што треба го водат човештвото не се клуб формиран од нацистички осуденици.“

Потсетувајќи на израелските напади врз Газа, Петро во објавата наведе:

„Убиените 20.000 деца во Газа се злосторства против човештвото. Сторителите на овие злосторства мора да бидат гонети, во спротивно човештвото ќе потоне во варварство.“