Bekim Laci
17 Декември 2015•Ажурирај: 18 Декември 2015
СКОПЈЕ (АА) - Новите членови на Државната изборна комисија (ДИК) денеска дадоа свечена изјава во Собранието на Република Македонија, јавува Anadolu Agency (AA).
Девет членови на ДИК, вклучувајќи го и претседателот и потпретседателот, пред претседателот на Собранието на Република Македонија, Трајко Вељановски ветија дека своите должности ќе ги извршуваат одговорно во согласност со Уставот на Република Македонија.
За претседател на Комисијата е избран Александар Чичаковски, за потпретседател Реџеп Прекопуца, двајцата од редовите на експертите.
Членови на Комисијата се Атанас Урумов, исто така од редот на експертите, Силвана Бонева и Сашо Срцев на предлог на ВМРО-ДПМНЕ, Виолета Дума и Игор Милев на предлог на СДСМ, Субхи Јакупи од ДУИ и Бедередин Ибраими на предлог на ДПА.
