Agon Fehmiu
12 Декември 2015•Ажурирај: 13 Декември 2015
ПРИШТИНА (АА) - Питомецот Исмаил Хоџа од Косовските безбедносни сили ја доби почесната награда „Overseas Sword“ од Кралската воена Академија Sandhurst, по само дванаесетмесечен престој во оваа реномирана институција, се наведува во соопштението објавено на официјалната веб страна на британската влада, пренесува Anadolu Agency (AA).
Според соопштението, мечот му се доделува на најдобриот странски кадет за секој курс а на питомецот Хоџа му беше презентиран неговиот меч од страна на Неговото Височество Принцот од Велс.
"Ова е прв пат припадник на Косовските сили за безбедност и воопшто друг воен припадник од Западен Балкан да ја прими оваа награда. Ова е големо постигнување за толку млад офицер од најмладата земја во Европа" , пишува во соопштението.
Офицерот питомец Хоџа дипломирал на 11 декември на Британската кралска воена академија заедно со двајца други косовски кадети, Фиторе фазлиу и Бесфорт Крума.
Како се наведува во соопштението, питомецот Хоџа изјавил дека му е посебна чест што е награден со мечот, истакнувајќи дека ова е еден од најгордите денови во неговиот живот.
Во официјалното соопштение по повод доделлувањето на спомнатата почесна награда од страна на Кралската воена академија се премесени и изјавите на високите воени функционери на Косовските безбедносни сили.
Генерал-полковник Р. Рама, командант на Косовските безбедносни сили, кој учествуваше на церемонијата на доделувањето изјави: „Ова е историски ден за Косово и за Косовските безбедносни сили. Ова е исклучително достигнување за сите тројца офицери, а посебно за офицерот Хоџа. Ѝ се заблагодаруваме на Обединетото Кралство за континуиранта поддршка, вложување и партнерство воградењето на нашиот лидерски капацитет“ , изјави Р. Рама, генерал-полковник, командант на Косовските безбедносни сили, кој учествуваше на церемонијата на доделувањето.
Исто така се наведува и дека бритснскиот амбасадор во Косово О’Конел, изјави дека офицерот Хоца го преставува најдоброто не само од Косово туку и од младината на оваа земја.
„Офицерот Хоџа го преставува најдоброто не само од Косовските безбедносни сили, туку и од младината на Косово“, и меѓу другото додаде дека „Косово може да се натпреварува со најдоброто што светот може да го понуди“ , пишува во соопштението објавено на официјалната веб страна на Владата на Велика Британија.
