ИСТАНБУЛ
Студентите на најголемиот технички универзитет во Турција изградија автономна инвалидска количка за лицата со попреченост, јавува Агенција Анадолија (АА).
По тригодишните напори под водство на Волкан Сезер, член на Факултетот специјализиран за инженерство за контрола и автоматизација, тимот од Техничкиот универзитет во Истанбул ја изгради инвалидската количка за гласовно командување.
„Користејќи технологија за вештачка интелигенција (AI), инвалидската количка е во состојба безбедно да го одведе својот корисник до неговата дестинација без да удри во какви било препреки што може да се најдат на нејзиниот пат“, изјави Сезер за АА.
„Инвалидската количка ги донесува сите потребни одлуки додека се движи, следејќи ја својата околина и ја планира својата траса со постојано анализирање на потенцијалните опасности“, изрази тој.
Сезер исто така истакна дека проектот е поддржан од Советот за научно-технолошко истражување на Турција (Тубитак).
Исто така, доби награда од Министерството за семејство, труд и социјални услуги на Турција.
