ИСТАНБУЛ (АА) - Новите партнерства за природен гас се клучни за Европа бидејќи даваат можност за диверзификација на енергетското портфолио, изјави денес на Истанбулскиот енергетски форум, Ласло Фрич, извршен директор на унгарската државна енергетска компанија „MVM CEEnergy“, јавува Анадолу.
Истанбулскиот енергетски форум, организиран од Анадолу под покровителство на Министерството за енергетика и природни ресурси на Република Туркије, е фокусиран на темата „Заедничка иднина, заеднички цели“, обединувајќи ги глобалните енергетски лидери во справувањето со заедничките предизвици.
„Улогата на гасот, особено во централна Европа, е многу поважна отколку за остатокот од Европа“, изјави Фрич на пленарната сесија на БОТАШ насловена „Нова динамика на безбедноста на гасот: регионални перспективи“ за време на меѓународната енергетска конференција.
Фрич истакна дека можностите за регионот растат.
Фрич напомена и дека МВМ бележи голем развој во последната деценија не само во гасот туку и во зелената енергија.
„Традиционално, рускиот гас е доста важен за нас. Сепак, новите партнерства, досега се исто така доста важни. Тоа ни дава можност да го диверзифицираме нашето портфолио“, додаде тој.
- „Побарувачката за енергетска транзиција расте“ -
Претседателот на азербејџанската државна енергетска компанија СОКАР, Ровшан Наџаф, нагласи дека зголемената побарувачка за почисти извори на енергија, вклучително и природен гас, извршила невиден притисок врз набавувачите.
„Побарувачката за електрична енергија, поттикната од технологиите за вештачка интелигенција и енергетската транзиција, расте со огромно темпо“, рече тој.
„Мислам дека нема да видиме конкуренција меѓу набавувачите - напротив, вистинскиот предизвик ќе биде исполнувањето на побарувачката“, рече Наџаф.
„Азербејџан стана еден од главните снабдувачи со гас на европските земји, особено по енергетската криза предизвикана од војната во Украина“, рече тој.
СОКАР во моментов испорачува гас за 11 европски земји, а Наџаф рече дека компанијата има за цел да достигне уште поголем број на клиенти до крајот на годината, вклучувајќи ги и земјите членки на ЕУ.
„Посветени сме да придонесеме за енергетската безбедност во регионот и го правиме ова заедно како партнери“, заклучи тој.
- „Енергетската безбедност е важна во регионите со ограничен енергетски пристап“ -
Привлекувајќи внимание на местата каде што енергетскиот пристап е ограничен, Хамед ал Наамани, извршен директор на „Оман ЛНГ“, ја нагласи потребата од енергетска безбедност.
Ал Наамани рече дека ЛНГ бара начини да може да им помогне на своите партнери во постигнувањето на нивните цели во однос на енергетскиот пристап.
Ал Наамани рече дека ЛНГ ќе може да ги реши проблемите што ќе се појават поради енергетскиот пристап преку турските пазари.
„Кога почнавме да разговараме со БОТАШ, она што го видовме е многу брзата комплементарност. Откривме дека на ист начин гледаме на агилноста и флексибилноста. Го гледавме и како начин да можеме да го прошириме нашиот пристап до еден од најголемите пазари“, рече Ал Наамани.
Тој истакна дека отворањето нови можности за конкуренција и технологија може да помогне да се намалат цените.
„Најважниот елемент настрана од инвестицијата е флексибилноста во однос на условите во кои сакаме да работиме со нашите партнери на начин кој продолжува да биде вин-вин“, рече Ал Наамани.
Изразувајќи ја нивната желба да видат повеќе инвестиции во голем број блокови во Оман, Наамани рече: „Би сакале да видиме партнери како доаѓаат и работат со Владата и да ги развијат тие блокови.“
- „ОМВ развива гасно поле во Црното Море“ -
Франк Нил, член на извршниот одбор на ОМВ, рече дека неговата фирма има воспоставено долгорочна врска со турската компанија БОТАШ договорно, но исто така и со односот помеѓу тимовите што е многу важен.
Тој потсети дека ОМВ и БОТАШ започнале да работат во 2005 година на мобилноста на ЛНГ.
„ОМВ развива некое гасно поле во Црното Море, има два проекта, всушност, еден во романското Црно Море“, нагласи тој.
