Вучиќ: Курти знае дека нема да го признаам Косово додека сум жив

Досегашниот претседател на Србија и носител на листата „Обединета Србија – Александар Вучиќ“, Александар Вучиќ, изјави дека нема да го признае Косово додека е жив, пренесува Анадолу.

Вучиќ во една телевизиска емисија зборуваше за клучните прашања, политичките предизвици и завршницата на изборната кампања, како и за регионалните и глобалните теми, наведувајќи дека Хрватска и Косово не сакаат тој да биде на власт.

Зборувајќи за студентските протести што се организираат во неговата земја, Вучиќ рече: „На Ѓукановиќ, Курти, Пицула итн. целта им е да го соборат Вучиќ бидејќи сакаат слаба, послушна Србија. Зошто Вучиќ му пречи на Курти, а студентите не му пречат? Албин Курти знае дека тие ќе ја признаат независноста на Косово, а Вучиќ нема да го стори тоа додека е жив.“

Вучиќ тврдеше дека Курти ја поддржува „Студентската листа“ и дека со сите сили се бори таа да ја преземе власта.

„На овие избори ја браниме државноста на нашата земја“, рече тој и ги повика граѓаните да излезат во што поголем број на гласање.

Вучиќ на 9 септември го распушти Парламентот и ја потпиша одлуката за распишување избори.

Во Србија предвремените парламентарни избори ќе се одржат на 25 октомври.