چیاكانی یڵدز جوانییه‌كی سه‌رنجڕاكێش له‌گه‌ڵ بارینی به‌فر

کرککالە - AA

چیاکانی یڵدز دەکەوێتە ناوەڕاستی دارستانەکانی "ئیسترانجەلار" کە بە یەکێک لە ناوچە پڕەکانی تورکیا لە دارودرەخت دەناسرێتەوە، ھەروەھا بارینی بەفر لەم ناوچەیە کەشوھەوای پاییز و زستانیش پێکەوە نیشان دەدات.

بەڕێوەبەری رۆشنبیری و گەشتوگوزاری پاریزگای کرککالە، نەجمی ئاسان لە لێدوانێکدا دەڵێت زۆرێک لە گەشتیارانی تورکیا و بیانییەکانیش بەچڕی بەرەو ئەو ناوچەیە دێن ئەوەش بەتایبەت بۆ بینینی دیمەنە سەرنجڕاکێشەکانی چیاکانی یڵدز و دارستانەکانی "ئیسترانجەلار".

ئەو بەرپرسە بۆ ئاژانسی ئانادۆڵو گوتیشی: "ئەفسوناوی چیاکانی یڵدز و دارستانەکان مایەی دڵخۆشی و دڵنیاییە لە دەروونی ئەوانەی دێن بۆ ناوچەکەمان کە دیمەنەکانی زۆر دەگمەنن".

چیاکانی یڵدز یەکێکە لە چیا بە ناوبانگەکانی تورکیا و لە زستاناندا دیمەنی زۆر نایابی ھەیە بەتایبەت لە کاتی بارینی بەفردا و چیاکە لە ئیستانبولەوە درێژ دەبێتەوە تا بولگاریا.