سیواس سپی پۆشی

سیواس – AA

به‌هۆی ئه‌و به‌فربارینه‌ی له‌ ئێواره‌ی دوێنێوه‌ سیواسی گرتووه‌ته‌وه‌، شاره‌كه‌ سپی پۆشیووه‌.

شه‌پۆلێكی به‌فربارین له‌ ئێواره‌ی دوێنێوه‌ به‌ شێوه‌ی ناوبڕ ناوچه‌كه‌ی گرتووه‌ته‌وه‌ و به‌م هۆیه‌وه‌ ٣٠ سانتیمه‌تر به‌فر له‌ سیواس كه‌ڵه‌كه‌ بووه‌.

سپیپۆشینی شوێنه‌واره‌كانی سه‌رده‌می سه‌لجوقی و عوسمانی له‌ سیواس، ناوچه‌كه‌ی دڵڕفێنتر كردووه‌.

هه‌روه‌ها گۆڕه‌پانی كۆمار و قوتابخانه‌ ئایینیه‌كان و مزگه‌وتی قه‌ڵا و مۆزه‌خانه‌ی كۆنگره‌یش سپییان پۆشیووه‌.

ژماره‌یه‌ك له‌ هاووڵاتییانیش ئه‌م ده‌رفه‌ته‌یان قۆزته‌وه‌ بۆ وێنه‌گرتن و هێشتنه‌وه‌ی یاده‌وه‌رییه‌كانیان به‌ زیندوویی.