ڕاوێژکاری ئاسایشی نەتەوەیی عێراق، قاسم عەبودی گەیشتە هەولێر

ڕاوێژکاری ئاسایشی نەتەوەیی عێراق، قاسم عەبودی بە سەرۆکایەتی شاندێکی ئەمنی گەیشتە هەولێر.

عەبودی و شاندی یاوەری لە فڕۆکەخانەی هەولێر لە لایەن وەزیری ناوخۆی هەرێمی کوردستان ڕێبەر ئەحمەد پێشوازی لێکرا.

چاوەڕوان دەکرێت، تاوتوێکردنی دۆسیەی ئەمنی لەگەڵ هەرێم و هەماهەنگی زیاتری بەغدا و هەولێر لەم بوارەوە، تەوەری سەرەکی دیدارەکانی قاسم عەبودی لەگەڵ بەرپرسانی هەرێمی کوردستان بێت.