وەزیری ناوخۆی هەرێمی کوردستان سەردانی بازاڕی هەولێری کرد

هەولێر - AA

وەزیری ناوخۆی هەرێمی کوردستان، رێبەر ئەحمەد سەردانی بازاڕی شاری هەولێری کرد و چەند شوێنکارێکی لەنێو بازاڕەکەدا بەسەر کردەوە.

بەگوێرەی ئەو راگەیەندراوەی کە لە پارێزگای هەولێره‌وه‌ بڵاو کراوەتەوە، رێبەر ئەحمەد و پارێزگاری هەولێر، ئومێد خۆشناو، بەیاوەرى بەڕێوەبەرى پۆلیسى هەولێر، عەمید دلێر نەجاڕ سەردانى بازاڕی شاری هەولێریان کردووە.

لە راگەیەندراوەکەدا ئاماژە بەوە دراوە کە مەبەستی سەردانەکە لەنزیکەوە ئاگاداربوون بووە لە رەوشی بازاڕ و کار و کەسابەتی کاسبکار و دوکانداران.

ئەوەش خراوتەڕوو کە رێبەر ئەحمەد و یاوەرانی سەردانى چەند بەشێکی بازاڕەکە و قاوەخانەی کولتووریی مەچکۆیان کردووە.