هێرشی فڕۆکەی بێفڕۆکەوان بۆسەر کەمپی حەشدی شەعبی لە عێراق

بەغدا - AA

نیوەشەوی رابردوو هێرش کراوەتە سەر کەمپێکی سەربازیی حەشدی شەعبی لە ناحیەی ئامرلی سەر بە پارێزگای سەڵاحەدین.

تۆڕی میدیایی ئەمنی سەر بە سەرۆکایەتی وەزیرانی عێراق لە راگەیەندراوێکدا کە بڵاوی کردۆتەوە ئاماژەی بەوەداوە کە لە سەرچاوەیەکی نادیارەوە نیوەشەوی رابردوو لەرێگەی فڕۆکەی بێفڕۆکەوانەوە هێرش کراوەتە سەر کەمپی سەربازیی کەتیبەی ١٦ی حەشدی شەعبی لە ناحیەی ئامرلی سەر بە پارێزگای سەڵاحەدین.

لە راگەیەندراوەکەدا ئاماژە بەوە دراوە کە لە هێرشەکەدا ٢ کەس برینداربووە بێ ئەوەی ئاماژە بە هیچ زانیارییەکی تر بدرێت.