دانی ئالڤێس پەیوەندی بە پاریس سانجێرمانەوە کرد

یاریزانى پێشووى یانه‌ى یۆڤانتۆسى ئیتاڵى و هەڵبژاردەی بەرازیل، دانی ئالڤێس په‌یوه‌ندى به‌ یانه‌ى پاریس سان جێرمانی فەڕەنسییەوه‌ كرد.

ئالڤێس كه‌ بڕیاربوو پەیوەندی به‌ یانه‌ى مانچێسته‌ر سێتیه‌وه‌ بکات، لە بڕیارێکی لەناکاودا و لە دوا خولەک گه‌یشته‌ فه‌ره‌نسا و پاش ئه‌نجامدانى پشكنینه‌ پزیشكییه‌كان ئه‌مڕۆ بە دەزگاکانی راگەیاندن ناسێندرا.

لە لێدوانێکیدا بۆ ماڵپەری یانە فەڕەنسییەکە، ئالڤێس خۆشحاڵی خۆی دەربڕی بە ئەنجامدانی گرێبەستەکەی و گوتی: "پەیوەندیم بە یانەیەکی بەهێزی ئەورووپا کرد و هاتووم تا لەگەڵ ئەو یانەیە نازناوەکان بەدەست بهێنم".

بە گوێرەی هەواڵی میدیا فەڕەنسییەکان مووچەی ساڵانەی ئالڤێس، ١٤ ملیۆن یۆرۆ دەبێت و گرێبەستەکەش بۆ یەک وەرز دەبێت لەگەڵ ئەگەری درێژکردنەوە.