سلێمانی - AA
دوای ئەوەی نیوەڕۆی ئەمڕۆ کۆمەڵێک کاسبکار بۆ ئاساییکردەنەوەی بڕیاری قەدەغەی هاتوچۆ لەبەردەم بینای قایمقامییەتی قەزای ناوەندی سلێمانی گردبوونەوەیەکیان ئەنجامدا، بەدرێژایی گردبوونەوەکە چەند پەرلەمانتارێک و کەسایەتی سیاسی بەشدارییان تیایدا کرد.
سەرۆکی جوڵانەوەی نەوەی نوێ، شاسوار عەبدولواحید یەکێک بوو لە کەسایەتییانە، دوای ئەوەی بەشداریی لە ناڕەزایەتیی کاسبکاران و خۆپیشاندەرانی بەردەم قایمقامییەتی سلێمانی کرد، لەنێو خۆپیشاندەرانەوە بە بەرد و هوتاف کێشان لە دژی، دەرکرا.
بەشێک لە کاسبکاران بە دروشمی"ئێمە دزمان ناوێ پشتگیرییمان بکات، دز ناتوانێت لەگەڵمان بێت، پشکەکانمان کوا" لە گردبوونەوەکە دژ بە شاسوار عەبدولواحید وەستاوە و لەنێو گردبوونەوەکەدا دەریانکرد.
دوای ئەوەی ناوبراو لەژێر فشاری خۆپیشاندەراندا ناوچەکەی جێهێشت، بەشێک لەو کەسانەی لە شوێنی گردبوونەوەکەدا بوون دوای کەوتن بەنێو باخی گشتیدا و بەرد و بتڵی ئاویان تێگرت.
ناڕەزایی خۆپیشاندەران دژی سەرۆکی جوڵانەوەی نەوەی نوێhttps://t.co/SKu1fBTexi
— (كوردی) ANADOLU AGENCY (@aasorani) June 2, 2020
