سەرکۆمار ئەردۆغان پەیوەندی تەلەفۆنی لەگەڵ شای سعوودیە ئەنجامدا

ئەنقەرە – AA

ئێوارەی دوێنێ، سەرکۆماری تورکیا، رەجەب تەیب ئەردۆغان پەیوەندیی تەلەفۆنی لەگەڵ شای سعوودیە، سەلمان بن عەبدولعەزیز ئالسعوود و شازادەی جێنشینی نوێ، محەممەد بن سەلمان ئەنجامدا.

بە پێی ئەو زانیاریانەی لە سەرۆکایەتی کۆمارەوە دەستکەوتوون، ئەردۆغان لە پەیوەندییە تەلەفۆنیانەدا پیرۆزبایی خۆی لە گۆڕینی پۆستی شازادەی جێنشین کردووە و هیوای خواستووە ببێتە هۆی خێرو خۆشی.

هەر لەو پەیوەندییانەدا جەخت لە پتەوترکردنی پەیوەندییەکانی نێوان تورکیا-سعوودیە کراوەتەوە لە داهاتوودا.

هەروەها رێککەوتن لەسەر چڕکردنەوەی هەوڵەکانیان بۆ کۆتاییهێنان بە بارگرژییەکان لەبارەی قەتەر.