"پێویستە تەرمی خاشقچی بۆ ناشتن رادەستی خانەوادەکەی بکرێ"

واشنتۆن - AA

وەزارەتی دەرەوەی ئەمریکا بانگھێشتی سعوودیەی کرد و رایگەیاند کە پێویستە شوێنی تەرمی خاشقچی ئاشکرا بکرێ و بەمەبەستی ناشتنی، تەرمەکەی رادەستی خانەوادەکەی بکرێته‌وه‌.

جێگری گوتەبێژی وەزارەتی دەرەوەی ئەمریکا، رۆبێرت پالادینۆ لە کۆبوونەوەیەکی داخراوی نێو وەزارەتی دەرەوە، لێدوانی لەبارەی کوشتنی خاشقچی پێشکەش کرد.

پالادینۆ بانگھێشتی ئیدارەی سعوودیەی کرد و گوتی: "ئەمریکا بانگھێشتی سعوودیەی کردووە بەوەی کە پێویستە شوێنی تەرمی خاشقچی ئاشکرا بکرێ و بەمەبەستی ناشتنی، تەرمەکەی رادەستی خانەوادەکەی بکرێته‌وه‌".

پالادینۆ رایگەیاند کە ئەمریکا نەک تەنھا ئەوانەی کە خاشقچیان کوشتووە، بەڵکو ئەو کەسانەش بە بەرپرسیار دەزانێ کە پەیوەندییان بە تاوانەکەوە ھەیە.