پۆلیسی ئیسرائیل وەزیری فەڵەستین بۆ کاروباری قودس ئەلئەعوەر-ی دەستگیرکرد

پۆلیسی ئیسرائیل وەزیری فەڵەستین بۆ کاروباری قودس، ئەشرەف ئەلئەعوەر-ی لە ناوچه‌ی سیلوان لە ڕۆژهەڵاتی قودسی داگیرکراو دەستگیرکرد.

بەرپرسێک لە نووسینگەی وەزارەتەکە به‌ ئاژانسی ئانادۆڵوی ڕاگه‌یاند به‌بێ هیچ پاساوێک پۆلیسی ئیسرائیل وەزیرە فەڵەستینییەکەی لە ماڵەکەی خۆیدا دەستگیرکردووە.

هێشتا پۆلیسی ئیسرائیل هیچ ڕاگه‌یاندراوێكی سه‌باره‌ت به‌ بابەتەکه‌ بڵاونەکردووەتەوە.

ساڵی ڕابردوو، به‌رپرسانی ئیسرائیل قەدەغەی چوونە ژوورەوەیان بۆ کەرتی ڕۆژئاوا خستبووه‌ سه‌ر ئەعوەر و، دواتر بڕیاره‌كه‌یان درێژ کرده‌وە.