پوتین و ناتانیاھو تاوتوێی دۆخی سووریا دەکەن

مۆسکۆ - AA

سەرۆکی رووسیا، ڤلادیمیر پوتین و سەرۆکوەزیرانی ئیسرائیل، بێنیامین ناتانیاھو لە میانی پەیوەندییەکی تەلەفۆنیدا تاوتوێی پێشھاتەکانی سووریایان کرد.

بەپێی ئەو راگەیەندراوەی لە کۆشکی کرملین بڵاوکراوەتەوە، پوتین و ناتانیاھو پەیوەندییەکی تەلەفۆنیان ئەنجامدا.

لە راگەیەندراوەکەدا ئاماژە بەوە کراوە کە لە پەیوەندییە تەلەفۆنییەکەدا باسی بڕیاری کشانەوەی ھێزەکانی ئەمریکا لە سووریا و دواپێشھاتەکان کراوە.

لە راگەیەندراوەکەدا زیاتر ھاتووە: "لە پەیوەندییە تەلەفۆنییەکەدا جەخت لەسەر بەرەوپێشبردنی خێرا لە چارەسەریی سیاسی و لەناوبردنی تەواوی تیرۆر کراوە. لەم چوارچێوەیەشدا جەخت لەسەر بەھێزکردنی کەناڵەکانی سەربازیی و دیپلۆماتیکی کراوە".

ھەر لە راگەیەندراوەکەدا ئاماژە بەوە کراوە کە لە پەیوەندییە تەلەفۆنییەکەدا باسی دواپێشھاتەکانیش کراوە.