پارێزەری پێشووی ترەمپ درۆی لەگەڵ کۆنگرێس کردووە

نیویۆرک - AA

پارێزەری پێشووی سەرۆکی ئێستای ئەمریکا، میشایل کۆھێن دانی بەوە دانا کە قسەی ناڕاستی لەبارەی لێکۆڵینەوەکانی پەیوەندیدار بە رووسیا بە کۆنگرێس راگەیاندووە.

راگەیاندنەکانی ئەمریکا بڵاویان کردەوە کە کۆھێن ئەمڕۆ کاتژمێر ٩:٠٠ی بەیانی بە کاتی ناوخۆیی ئەمریکا، چووەتە دادگای فیدڕاڵی لە نیویۆرک و چووەتە بەردەم دادوەر.

بەپێی ئەو ھەواڵانەی لە میدیاکانی ئەمریکا بڵاوکراونەتەوە، کۆھێن دانی بەوە داناوە کە لە بارەی پلانی بونیاتنانی ترەمپ تاوەر لە مۆسکۆ درۆی لەگەڵ کۆنگرێس کردووە.

کۆھێن لەکاتی ھاتنەدەرەوەی لە دادگا، ھیچ زانیارییەکی نەدرکاند.

پارێزەری پێشووی سەرۆکی ئێستای ئەمریکا، کۆھێن، لە مانگی ئابی رابردوو رێککەوتنی لەگەڵ داواکارانی فیدڕاڵی لە نیویۆرک کردبوو.

کۆھێن تۆمەتەکانی وەک "دزەکردنی باج" و "ساختەکاری بانکی" و "گەندەڵی لە دەستەبەرکردنی دارایی ھەڵمەتی ھەڵبژاردن"ی قبوڵکردبوو.