لە زنجیرەیەک ھێرشی ئاسمانیی ئیسرائیلدا بۆ سەر لوبنان حەوت کەس کوژراون

لە ئاکامی زنجیرەیەک ھێرشی ئاسمانیی سوپای ئیسرائیلدا بۆ سەر ژمارەیەک شارۆچکەی ڕۆژھەڵات و باشووری لوبنان، حەوت کەس کوژراون و شەش کەسی دیکەش برینداربوون.

ئاژانسی ھەواڵیی فەرمی لوبنان "NNA" بڵاوی کردەوە کە سوپای ئیسرائیل زنجیرەیەک ھێرشی ئاسمانیی کردووەتە سەر ژمارەیەک شارۆچکەی ڕۆژھەڵات و باشووری لوبنان.

ئاژانسەکە ئاماژەی بەوەشداوە کە لە ئاکامی ھێرشەکاندا، حەوت کەس کوژراون و شەش کەسی دیکەش برینداربوون.

پێشتر ئاژانسی ھەواڵیی فەرمی لوبنان بڵاوی کردبوویەوە کە سوپای ئیسرائیل بە فڕۆکەی بێفڕۆکەوان ھێرشی کردووەتە سەر شارۆچکەکانی عەدشیت و دێرکیفا باشووری لوبنان و لە ئاکامدا، کەسێک کوژراوە و سێ ئەندامی تیمی فریاکەوتنی سەربە حزبوڵڵا برینداربوون.