فوئاد مه‌عسوم پیرۆزبایی له‌ ئه‌ردۆغان ده‌كات

هه‌ولێر-AA

مه‌عسوم ده‌ڵێت "داوای سه‌ركه‌وتنی هه‌میشه‌یی بۆ فه‌خامه‌تتان ده‌كه‌م له‌ ئه‌ركه‌كانتاندا بۆ گه‌لی توركیای دۆستیش پێشكه‌وتن و تاوسه‌ندن".
ئه‌مڕۆ دووشه‌ممه‌ سه‌رۆك كۆماری عێراق فوئاد مه‌عسوم پیرۆزبایی سه‌ركه‌وتنی سه‌رۆكی توركیا ره‌جه‌ب ته‌یب ئه‌ردۆغان كردووه‌ و ئه‌مه‌ی خواره‌وه‌ش ده‌قی پیرۆزباییه‌كه‌یه‌:

فه‌خامه‌تی سه‌رۆك ره‌جه‌ب ته‌یب ئه‌ردۆغانی به‌ڕێز
سه‌رۆك كۆماری توركیا

به‌بۆنه‌ی سه‌رله‌نوێ هه‌ڵبژاردنه‌وه‌تان به‌ سه‌رۆكی كۆماری توركیاوه‌ گه‌رمترین سڵاو و پیرۆزباییتان پێشكه‌ش ده‌كه‌م، داوای سه‌ركه‌وتنی هه‌میشه‌یی بۆ فه‌خامه‌تتان ده‌كه‌م له‌ ئه‌ركه‌كانتاندا بۆ گه‌لی توركیای دۆستیش پێشكه‌وتن و تاوسه‌ندن.

هاوكات خۆشحاڵم ئه‌م بۆنه‌ خۆشه‌ بكه‌مه‌ ده‌رفه‌تێك بۆ دووپاتكردنه‌وه‌ی په‌رۆشیمان بۆ به‌رده‌وامی كاری هاوبه‌ش له‌پێناوی پته‌وكردنی پردی په‌یوه‌ندی دۆستانه‌ی مێژوویی و هاوكاری به‌رفراوان له‌نێوان عیراق و كۆماری توركیا به‌وجۆره‌ی خزمه‌ت به‌ خواسته‌كانی هه‌ردوو گه‌لی دۆست ده‌كات له‌ ئۆقره‌یی و تاوسه‌ندندا و به‌شداری ده‌كات له‌ به‌هێزكردنی ئاسایش و ئاشتی و هاریكاری له‌سه‌ر ئاستی ناوچه‌یی و جیهانیدا.

له‌گه‌ڵ رێزی بێئه‌ندازه‌مدا...

فوئاد مه‌عسوم
سه‌ركۆماری عیراق