سەردانی سەرۆک ئەرکانی سوپای تورکیا بۆ ئێران

تاران-AA

سەرۆک ئەرکانی سوپای تورکیا، جەنەڕاڵ خوڵوسی ئاکار بە بانگهێشنامەی سەرۆک ئەرکانی سوپای ئێران، محەمەد بەکری گەیشتە شاری تاران.

ئاکار ئەمڕۆ ئێوارە بە فڕۆکەیەکی تایبەت گەیشتە شاری تاران و لە فڕۆکەخانەی میھرئاباد لە لایەن جێگری سەرۆک ئەرکانی سوپای ئێران و بەپرس لە کاروباری نێودەوڵەتی، قادر نیزامی و باڵیۆزی تورکیا لە تاران، رەزا ھاکان تەکین پێشوازی لێکرا.

سبەی بەیانی لە دوای رێوڕەسمی سەربازیی، ئاکار و سەرۆک ئەرکانی سوپای ئێران، بەکری کۆدەبنەوە و پرسەکانی ئاسایشی سنوور، بەرەنگاربوونەوەی تیرۆر و گۆڕانکارییەکانی ناوچەکە تاوتوێ دەکەن.

چاوەڕوان دەکرێت ئاکار لەگەڵ سەرکۆماری ئێران، حەسەن رووحانی و سکرتێری گشتی ئەنجوومەنی باڵای ئاسایشی نیشتمانی ئێران، عەلی شەمخانی و وەزیری بەرگری، ئەمیر خاتەمی کۆببێتەوە.